大漠 (已結業)

食過呢間餐廳好多次，不過都冇特別去影相，所以就費事寫食評。同同事出去食lunch，周圍都係人，好似今日一次過出哂黎食飯甘。大漠通常都有位，但吾代表佢吾好食，反而我覺得係因為以羊為主打既蒙古餐廳比較少人接受到。我同同事都認為佢款式少左啲，但水準吾錯，有時菜式會有驚喜。我叫左炸雞翼拉麵，可能天氣濕熱，想食啲有湯水既嘢。先黎前菜，係由羊奶煮成既湯。平時食係加左啲口感煙韌既白色塊狀物體(到而家都吾知係咩黎),食落鹹鹹地，有啲羊奶味，好特別。而今日佢將啲塊狀炸過，食落多左份酥脆，但本人都係嫌有啲乾同油膩。佢仲加左麵條係湯度，食完已經有三成飽。主菜黎到，睇外表已經好吸引！佢份量幾多，四隻雞翼都係肉質飽滿，調味恰到好處，好好味。最令我感受到蒙古風味既梗係佢個羊肉湯底，吾會太食到騷味 。面俾左好多蔬菜，感覺好健康。麵就係幼身白麵，食落吾易斷，但麵身淋，易入口。最鐘意就係個羊奶布丁，一點都吾騷，仲好香！甜度岩岩，吾會太甜。甜品係跟餐送，所以真係抵到爛！