2084 (已結業)

平時食開嘅素食餐廳, 一係就中式, 一係美式意粉burger之類，呢度可謂集合多國素食並且大放異彩。印度咖喱可揀辣定唔辣，Sinhalese Daal有少少香料清香，食落同本地嘅咖喱唔同。紅色嘅呢就係辣椒粉，一點左就...辣嘅。落咗椰汁係少少甜嘅，最後個咖喱汁食晒食到清底。飲品好有特色，Masala Tea, 少少香得來嫩滑。水果茶有少少甜，女士飲就唔怕肥啦。北京填菌，仿北京填鴨，醬料十足十，皮薄餡靚最後呢個就係素魚柳，真係食到魚味！高質素食餐廳, 環境好又relax, 約朋友閒聊一聚無得輸！