影片
更多
2021-06-21
1220 瀏覽
返工總會路過呢間💛西餐廳，奈何餐廳位於內街較為隱蔽，容易令人遺忘佢既存在🙈早幾日同事路經餐廳影低左menu黎睇📸，我地就決定happy Friday既lunch要去呢度鋸扒🍽😼-餐廳一共有兩層，空間雖小勝在燈光柔和💡令人感覺溫暖，相信夜晚黎用餐會更有情調💕入餐廳之前係門口見到牆壁貼滿左客人係餐廳用餐所影既即影即有📷，雖然大家素未謀面，透過呢d相片都感受得到佢地當下既快樂🥰另外，餐廳內既懷舊玩具小擺設同埋牆上既黑膠唱片封套💿，甚具懷舊味道📜當日我地坐係靠近門口既餐檯，聽住BeeGees金曲再感受由外面吹入黎既涼風🍃，有種置身係海邊小木屋🏠既異國風情，令人覺得輕鬆😌-Lunch menu一共有5款選擇，最平108蚊而最貴既個款就198蚊(未計加一)，價錢算係頗為進取，不過餐廳有個儲印花制度，只要係印花卡上儲滿10個印花💮就可以免費換領一份lunch set，拉返勻黎計其實等於每個餐有9折，如果幾個人黎幫襯好快就可以達成目標🤣******************************🍴法包🥖呢度既法包外脆內軟，為人熟悉既個陣法包味亦夠濃郁，搽埋牛油🧈就更加完美💯，對於麵包控既我黎講真係抵擋
返工總會路過呢間💛西餐廳，奈何餐廳位於內街較為隱蔽，容易令人遺忘佢既存在🙈
早幾日同事路經餐廳影低左menu黎睇📸，我地就決定happy Friday既lunch要去呢度鋸扒🍽😼
-
餐廳一共有兩層，空間雖小勝在燈光柔和💡令人感覺溫暖，相信夜晚黎用餐會更有情調💕
入餐廳之前係門口見到牆壁貼滿左客人係餐廳用餐所影既即影即有📷，雖然大家素未謀面，透過呢d相片都感受得到佢地當下既快樂🥰
另外，餐廳內既懷舊玩具小擺設同埋牆上既黑膠唱片封套💿，甚具懷舊味道📜
當日我地坐係靠近門口既餐檯，聽住BeeGees金曲再感受由外面吹入黎既涼風🍃，有種置身係海邊小木屋🏠既異國風情，令人覺得輕鬆😌
-
Lunch menu一共有5款選擇，最平108蚊而最貴既個款就198蚊(未計加一)，價錢算係頗為進取，不過餐廳有個儲印花制度，只要係印花卡上儲滿10個印花💮就可以免費換領一份lunch set，拉返勻黎計其實等於每個餐有9折，如果幾個人黎幫襯好快就可以達成目標🤣
******************************
🍴法包🥖呢度既法包外脆內軟，為人熟悉既個陣法包味亦夠濃郁，搽埋牛油🧈就更加完美💯，對於麵包控既我黎講真係抵擋唔到佢既魅力😍
餐廳亦好大方咁每人俾左兩片，足以滿足到我既麵包癮😋
-
🍴餐湯🥣 / 沙律🥗
Lunch set包餐湯/沙律2選1，當日供應既係南瓜湯🎃 雖然較為流質，唔係好綿滑既個種，但就飲得到南瓜天然既香甜
沙律菜🥬就口感爽脆夠新鮮，加埋傳統油醋，作為前菜黎講的確幾令人開胃🤗
-
✨香煎帶子意大利飯🍛 ($148)
香煎過既帶子外脆內嫩味道鮮甜，感覺似係食緊半熟帶子刺身😋
意大利飯除左麥味濃郁🌾之外更做到正宗意大利飯應有既硬度，不過相信呢點就唔係每個人都接受到，畢竟佢既口感真係好似未煮熟既生米咁🤣
另外，忌廉汁味道亦甚為香濃，唔會令人覺得越食越膩仲食到蘆筍既鮮味🌟 整體黎講味道算係幾有新鮮感，可惜份量對比其他西餐廳屬於偏少🙊
-
✨紐西蘭肉眼扒配燒薯伴砵酒汁🥩 ($158)
牛扒🥩揀左要7成熟，餐廳係火候控制🔥方面做得不錯，唔會過熟，肉質依然保持嫩紅；美中不足既係牛扒屬於薄身個種，對於食肉獸黎講就略嫌唔夠嚼勁🤔
不過都想讚下呢度既燒薯🥔，半焗半炸既外皮口感好特別仲好有薯香，唔會食到薯仔既酸味，如果可以俾多幾舊就好啦😆
-
🍴餐飲☕️ (轉latte +$10)
Lunch set包咖啡☕️/茶🍵就唔多講，當日加10蚊升級點左杯熱latte，泡沫較多未夠幼滑，水準只屬一般不能期望太大🤫
******************************👧🏻人均消費：$170
😋味道指數：3.8/5
💰抵食指數：2.8/5
🪑環境指數：3.5/5
💁🏻♀️服務指數：3.8/5
👍🏻再訪指數：3/5
-
📍Haven
地址：灣仔麥加力歌街17號地下
⏰營業時間：12:00–23:00 (Mon–Sun)
張貼
