MOBIN (已搬遷) 新店位置

阿爸想食啲特別小小嘅嘢，於是乎帶佢嚟旺角一間都幾隱世嘅小店--mobin。有幾個國家嘅fusion菜，幾得意。南瓜湯，$75近排嘅新菜式，店員話好好飲，果然冇介紹錯，好香好濃，而且份量都夠兩個人分，加上nachos，非常夾。15香料燉牛肉炒飯配煎蛋，$115佢用咗15種香料，好香，最正係可以揀唔同辣度之餘，仲可以配唔同口味，有煙燻香、偏甜偏酸都得，好特別。我就揀咗小辣偏甜，味道唔錯。俄羅斯蜂蜜千層蛋糕，$68第一次食俄羅斯蛋糕，以為會好甜啦，不過冇想像中咁甜，又幾好味喎，值得一試。發酵菠蘿氣泡水，$60佢係mocktail，不過好特別，會有少量因發酵過程產出的酒精，餐廳自己發酵嘅，飲起身唔會好甜，幾好。咖啡花茶，$55呢杯又係咖啡又係茶？其實係有少少咖啡味嘅茶，比較淡。