3rd Space (已搬遷) 新店位置

因為想食厚pancake，見到不少人推介3rd space 嘅earl grey pancake，今日就約埋三五知己黎一試啦。餐廳位置有啲難搵，搵左好耐先搵到，天氣好熱，幸好我地到時仲有冷氣位坐(得4個位)。可能得香港人會坐冷氣位，有不少外國人坐戶外位，仲有啲帶埋隻狗黎食講番食物，今次黎嘅目的就係呢個pancake$108，一黎到就聞到好香earl grey茶味，一刀切落去已經感受到佢係超級鬆軟，沾上黑糖漿食，黑糖獨有嘅味道同茶香互相輝映，唔會俾任何一方搶味。好好食!!見咁多人點呢道菜，我地又試下先，$78得四塊，真係有啲貴，不過最緊要好食，麵包烤得香脆，上面嘅牛油果+三文魚好fresh，一人得一塊真係唔多夠喉啊其中一個朋友係食肉獸，所以都點左一份煙肉三文治，三文治熱烘烘，煙肉係英式嘅煙肉，同香港茶餐廳早餐食嘅煙肉不同，少啲肥膏，不過略為多醬左啲。 呢個salad $98,冇咩特別，想balance一下個餐嘅食物，不妨一叫。