影片
更多
2024-06-06
869 瀏覽
-月山 🌙月山主打用新鮮時令海鮮同當造食材 締造唔同風味既日式料理今期就以融合中日精髓為概念 推出全新菜單「日粵薈萃」每道菜都完美將日本時令食材同料理技巧融入粵式味道每道菜都好好味 又好有驚喜 將色香味都昇華至另一層次!✨ 日粵薈萃 ($988/位 ; 需一日前預訂）先付+ 香檸海蜇 · 花穗紫蘇啫喱 選用佐賀產赤水母既海蜇 加左檸檬汁同紫蘇花做啫喱調味 微酸開胃+ 柔煮鮑魚 · 有馬山椒 選用大連鮑魚 沾上鮑魚肝醬同有馬山椒葉 惹味得黎唔會蓋過鮑魚原有鮮味+ 慢煮鮟鱇魚肝 · 五香滷水選用青森產鮟鱇魚肝 估唔到用滷水煮製都好夾 又非常入味 當中既八角香氣撲鼻 向付+ 九州金槍魚 · 瑤柱醬油漬瑤柱醬油漬赤身 就連上面啲瑤柱碎碎都係醬油漬度夾出黎 口感幾特別+ 北海道牡丹蝦 · 紹興酒漬 用左紹興酒漬既牡丹蝦 醃得非常香 食落好甘甜+ 日本季節真蠔 · 話梅啫喱 選用長崎真蠔 蠔邊爽口帶有海水味 肉身鮮甜飽滿 食落唔腥 話梅啫喱仲帶出清新果香 揚物+ 北海道海膽 · 魚子醬 · 金槍魚腩肉 · 潮州菜脯 · 響鈴紫菜脆餅 當晚最中意既就係呢個"TACO" 好有驚喜!集合多種名貴食材 -
月山 🌙
月山主打用新鮮時令海鮮同當造食材 締造唔同風味既日式料理
今期就以融合中日精髓為概念 推出全新菜單「日粵薈萃」
每道菜都完美將日本時令食材同料理技巧融入粵式味道
每道菜都好好味 又好有驚喜 將色香味都昇華至另一層次!
✨ 日粵薈萃 ($988/位 ; 需一日前預訂）
先付
+ 香檸海蜇 · 花穗紫蘇啫喱
選用佐賀產赤水母既海蜇 加左檸檬汁同紫蘇花做啫喱調味 微酸開胃
+ 柔煮鮑魚 · 有馬山椒
選用大連鮑魚 沾上鮑魚肝醬同有馬山椒葉 惹味得黎唔會蓋過鮑魚原有鮮味
+ 慢煮鮟鱇魚肝 · 五香滷水
選用青森產鮟鱇魚肝 估唔到用滷水煮製都好夾 又非常入味 當中既八角香氣撲鼻
向付
+ 九州金槍魚 · 瑤柱醬油漬
瑤柱醬油漬赤身 就連上面啲瑤柱碎碎都係醬油漬度夾出黎 口感幾特別
+ 北海道牡丹蝦 · 紹興酒漬
用左紹興酒漬既牡丹蝦 醃得非常香 食落好甘甜
+ 日本季節真蠔 · 話梅啫喱
選用長崎真蠔 蠔邊爽口帶有海水味
肉身鮮甜飽滿 食落唔腥 話梅啫喱仲帶出清新果香
揚物
+ 北海道海膽 · 魚子醬 · 金槍魚腩肉 · 潮州菜脯 · 響鈴紫菜脆餅
當晚最中意既就係呢個"TACO" 好有驚喜!
集合多種名貴食材 - 新鮮拖羅蓉 + 馬糞海膽 + 魚子醬等等
首先用上京都產腐皮海苔同響鈴炸左個好鬆脆既外殼
而飯上面既拖羅蓉混潮州菜脯代替日式黃瓜
再加上紫蘇花 + 馬糞海膽 + 魚子醬
成個組合都非常大膽 食落係有少少油膩感但整個味道口感層次都真係好豐富!!
旬味
+ 九州渡蟹 · 萵筍千切 · 花雕梅酒漬
用上陳年花醋 + 和歌山南高梅酒去醃漬渡蟹
而萵筍係用左XO醬 + 油醋汁 去做中華風涼拌
整個組合食落其實都幾似花雕醉蟹 不過就真係好新鮮又啖啖肉 食得好過癮
個人幾欣賞個特別擺碟方式: 用醋浸淋左個殼再blend 出呢個形狀
燒物
+ 秋田若鴿 · 山椒蔥油 · 若桃甘露煮
選用秋田縣產20日初生乳鴿 配搭高知縣山椒
肉質超嫩 食落麻香多啲 冇苦澀
另外可以配搭炸左京蔥絲 + 山椒葉一齊食
伴有青綠色若桃 食完乳鴿後用黎清清口腔 食落一D都唔酸反而幾有甜味
可惜既係個份量有D偏細 食到意猶未盡 如果畀成隻我都食得晒!!
御食
+ A5 和牛慢烤叉燒 · 溏心赤玉 · 土鍋飯
用上A5 和牛西冷部位作為慢烤叉燒
上菜時店員會即席倒個玫瑰露係煲邊再點火
令玫瑰露滲入成個"煲仔飯"入面 都幾打卡 又好香口
聽講呢個「叉燒」係用左4個鐘 慢煮 除左海鮮醬之外 仲有頭抽老抽同玫瑰露去調味
食落真係會誤以為自己食緊超軟腍既「叉燒」
如果呢個飯有埋飯焦既話應該會更加正!
配搭宮崎蛋同珍珠米一齊食 個人認為如果個飯都有多D「叉燒汁」會更正!
+ 九州走地雞清湯
甘味
+ 楊枝甘露
其實係用左河內晚柑 + 寒天QQ + 柚子雪葩整成
當中既「椰奶」就用北海道牛奶黎代替
食落係有偏酸 但都好清爽~
整體黎講 成個菜單 每一道菜都好帶到有意想不到既味道 值得一試!
張貼
