影片
更多
2011-09-24
17 瀏覽
尖沙咀新興食街厚福街，聽聞開左間點心店，饞嘴嘅我梗係第一時間約埋一班「識食之士」，一行５人浩浩蕩蕩「踩場」！去到已見「入座率」爆滿，可見豪隍點心應該名不虛傳！我地正想入內示意五位，這時店員已醒目地走出來跟我們打招呼，並著我們等一陣，好快有位！大約等了５分鐘左右，就可以入去開餐啦！（店員都係後生仔女，有禮貌、有笑容又有活力，令客人對食肆加分！）店內裝潢簡潔時尚，光猛舒服，既冇一般茶樓的籠統土氣，所見之處亦冇茶漬和食物殘穢，由桌面到座位都乾淨衛生，唔錯唔錯！我地一坐低就拎起點心紙點選心水美食啦！（茶芥只係每位$3，可惜只有普洱，如果可以有多Ｄ茶款就更好！）是次「踩場」，我地一共點左十幾款美食（當中梗係包括埋「豪隍推介」啦）：招牌蝦餃皇、海鮮粒燒賣、豉汁蒸鳳爪、豉汁蒸排骨、鮮竹牛肉球、鮑汁鮮竹卷、韭皇明蝦腸、姜米雞包仔、原隻馬拉糕、鮮菇豬潤腸、鳳爪排骨飯、雞絲脆春卷、潮州蒸粉果、古法馬蹄糕、脆皮叉燒包、鮮蝦腐皮卷、五香鹹水角！（最後雖然個馬拉糕漏左單，不過都冇減我地嘅「戰意」同食慾──因為眼闊肚窄，點左嘅有Ｄ都食唔晒！） 總括黎講上菜時間快、服務好、點心味道都唔錯，當中有幾款令我印象深刻同驚
去到已見「入座率」爆滿，可見豪隍點心應該名不虛傳！我地正想入內示意五位，這時店員已醒目地走出來跟我們打招呼，並著我們等一陣，好快有位！大約等了５分鐘左右，就可以入去開餐啦！（店員都係後生仔女，有禮貌、有笑容又有活力，令客人對食肆加分！）
店內裝潢簡潔時尚，光猛舒服，既冇一般茶樓的籠統土氣，所見之處亦冇茶漬和食物殘穢，由桌面到座位都乾淨衛生，唔錯唔錯！我地一坐低就拎起點心紙點選心水美食啦！（茶芥只係每位$3，可惜只有普洱，如果可以有多Ｄ茶款就更好！）
是次「踩場」，我地一共點左十幾款美食（當中梗係包括埋「豪隍推介」啦）：招牌蝦餃皇、海鮮粒燒賣、豉汁蒸鳳爪、豉汁蒸排骨、鮮竹牛肉球、鮑汁鮮竹卷、韭皇明蝦腸、姜米雞包仔、原隻馬拉糕、鮮菇豬潤腸、鳳爪排骨飯、雞絲脆春卷、潮州蒸粉果、古法馬蹄糕、脆皮叉燒包、鮮蝦腐皮卷、五香鹹水角！（最後雖然個馬拉糕漏左單，不過都冇減我地嘅「戰意」同食慾──因為眼闊肚窄，點左嘅有Ｄ都食唔晒！）
總括黎講上菜時間快、服務好、點心味道都唔錯，當中有幾款令我印象深刻同驚喜，值得特別推介！
脆皮叉燒包：真心講真係好好食！對比起添好運，豪隍嘅脆皮叉燒包即叫即製，拳頭咁大個，上檯時仲係暖烘烘的！外皮脆、包身細軟、餡料多，醬汁濃厚出色，無論外層的墨西哥皮以及裡面嘅叉燒餡料都各有千秋，美輪美奐得來誰也不被誰所蓋！簡直令人食髓知味，回味無窮！果然係鎮店招牌之作！！！
古法馬蹄糕：一碟三件，晶瑩通透，味道幽雅細膩，而且馬蹄粒充滿，煎香得來口感柔韌有嚼勁！輕咬一口，口腔即被馬蹄香充滿（不像坊間那種只吃到一口粉），足料炮製之餘，簡單的一道甜點已見出師傅的用心！
雞絲脆春卷：爽脆香口，不太油膩。春卷皮子層層積卷，炸至金黃厚薄適中；以雞絲作餡清新得來更可令人消去一般炸春卷予人膩滯之感！
鳳爪排骨飯：一個平時上茶樓都愛點的「家常便飯」，看似平白無恙，但原來豪隍的鳳爪排骨飯卻「內有乾坤」！ 我想讚的，不是鳳爪和排骨的料有幾多、飯有幾香，而係這飯的豉油！聽說豪隍蒸飯的豉油大廚也講究，現在食到的味道是幾經試煉及用心調配出來的心血結晶，怪不得我食落口已感到它的端倪！別看輕這個豉油，因為它可以令成個飯「畫龍點睛」；大廚對食物和味道的要求與執著，連這方面也一絲不苟，除左大見真章之外，更令我對這位幕後功臣感到致敬！
張貼
