Fang Fang (已結業)

中環一向係食西餐既好去處，但其實中餐亦都有唔少既好選擇。今次同屋企人來到叫左兩個午市套餐($198/位)。由於想試多D佢地既出品，因此食既dishes都盡量唔重覆。點心叫左個蝦餃配粉棵同埋春卷。蝦餃飽滿內餡爽口，而粉棵配上玫瑰同埋櫻花蝦創新食落清新。素春卷食出有松露香。兩者都係中菜常點既點心，但加入新元素使人驚喜。而前菜就係叫左使人十分開胃既牛展青瓜同埋酸辣湯，特別係青瓜新鮮爽口。主菜就叫左紅燒東坡肉同埋泡菜安格斯牛柳條紅燒東坡肉食落冇傳統既咁肥，但係都係入口即溶，岩晒D想健康但想淺嘗既朋友。泡菜安格斯牛柳條食落酸辣開胃但係牛味依然係到，送飯一流。最後要左個起晒沙同埋有大量紅豆喺入面既紅豆沙，同埋好順滑既杏仁茶做甜品，令人十分滿足。