The Galley by Cafe Proud Wings (已結業)

而家都好難去旅行架啦，唯有約朋友去食個應景嘅晚餐啦，睇中咗想試呢間餐廳一段時間，而家有機會就去食啦。點咗經濟艙晚餐2人set。開胃菜要咗香腸拼盤，2款香腸都好食，其中一款香料味較重，同個芥辣汁都好夾，好快就食清光啦。沙律份量唔少，鮮果材料亦好豐富，清新開胃。主菜我點咗Carbonara，朋友就食黑毛豬胺，我哋都有交換食。意粉醬汁夠濃，有蛋黃香味又有芝士味，好rich好味。黑毛豬鞍我都有食一舊，juicy唔會好乾，都幾好食。甜品細細份，飲埋杯咖啡啱啱好。