影片
更多
2020-07-07
1994 瀏覽
香港人不嬲都鍾意打邊爐，成班人可以坐埋一齊食野都真係福氣來。係疫情嚴重期間冇乜得打邊爐，宜家好返小小同舊同事一齊聚一聚。上次出街打邊爐已經係二月初，今日難得出來，仲要係銅鑼灣，啱晒我。野食就一般，正正常常。最頂唔順真係個限時，6:30入座，8:00未到已經係咁收野，執枱。8:15分又催，8:26分直頭叫我哋交枱。大佬呀，我地又唔係任食，都成$384一位，使唔使趕走咁囂張。講真你係任飲任食，夠鐘趕我走就好合理呀。成間舖頭都係七至八成入座率，又冇人排緊隊，又未係收工時間，張單$15XX，都趕。我真係想問疫情期間佢哋好好生意咩，夠錢出糧交租咩，D員工仲咁既態度，好難有回頭客。火鍋唔係快餐，唔係只係食嘢，仲有同朋友一齊傾計架。感覺好似比班茶記阿姐serve。間野sell 懷舊，播下D舊歌，擺下啲中式碗碟，亦都秉承叫客食完快啲走嘅精神。我唔會再去。
係疫情嚴重期間冇乜得打邊爐，宜家好返小小同舊同事一齊聚一聚。上次出街打邊爐已經係二月初，今日難得出來，仲要係銅鑼灣，啱晒我。
野食就一般，正正常常。
最頂唔順真係個限時，6:30入座，8:00未到已經係咁收野，執枱。8:15分又催，8:26分直頭叫我哋交枱。
大佬呀，我地又唔係任食，都成$384一位，使唔使趕走咁囂張。講真你係任飲任食，夠鐘趕我走就好合理呀。
成間舖頭都係七至八成入座率，又冇人排緊隊，又未係收工時間，張單$15XX，都趕。
我真係想問疫情期間佢哋好好生意咩，夠錢出糧交租咩，D員工仲咁既態度，好難有回頭客。
火鍋唔係快餐，唔係只係食嘢，仲有同朋友一齊傾計架。感覺好似比班茶記阿姐serve。
間野sell 懷舊，播下D舊歌，擺下啲中式碗碟，亦都秉承叫客食完快啲走嘅精神。
我唔會再去。
張貼