影片
更多
2010-01-19
153 瀏覽
一個月通常都有一兩次上黎馬會food court 食飯. 一來人少少好舒服唔洗等位, 二來佢呢個foodcourt 水準一向都係我去過之中數一數二嘅. 中式鑊氣小炒, 西式燒牛肉, 意式pizza, 印度薄餅, 不下於其他有名氣嘅酒樓食肆.黎foodcourt 首先梗係巡一巡. 行左一個圈之後, 打算叫下小菜之時, 俾我聞到一陣陣炭燒香味. 嘩! 原來家下冬天做煲仔飯. 本著 "未試過 梗係唔放過" 嘅宗旨... 一於就叫: 腊味煲仔飯 $88 咸魚肉餅煲仔飯 $68 豉汁蒸倉魚 660gm ( $1.3/10gm) 果汁一杯 $38腊味煲仔飯有腊腸, 潤腸, 腊鴨, 腊肉 各一件. 加上特製豉油. 潤腸有水準, 圓潤飽滿, 咬落甘香. 不過, 始終敵不過'西苑'd 鵝肝腸. 腊肉亦毫不吝惜咁放上一大片厚切的, 好似扣肉咁. 腊鴨就稍為少左d d.. 其實果煲飯已經俾腊肉d 豬油焗得好香. 如果多幾件油鴨.. 有埋鴨皮d 油撈落d 飯到.. 真係不得了喇~~咸魚肉餅又係正. 個肉餅要好似焗酥皮湯d 酥皮咁... 完全封哂成個煲仔.. 大大塊肉餅, d 肉汁滲哂落d 飯度.. 咁先夠香
黎foodcourt 首先梗係巡一巡. 行左一個圈之後, 打算叫下小菜之時, 俾我聞到一陣陣炭燒香味. 嘩! 原來家下冬天做煲仔飯.
本著 "未試過 梗係唔放過" 嘅宗旨... 一於就叫:
腊味煲仔飯 $88
咸魚肉餅煲仔飯 $68
豉汁蒸倉魚 660gm ( $1.3/10gm)
果汁一杯 $38
腊味煲仔飯有腊腸, 潤腸, 腊鴨, 腊肉 各一件. 加上特製豉油. 潤腸有水準, 圓潤飽滿, 咬落甘香. 不過, 始終敵不過'西苑'd 鵝肝腸. 腊肉亦毫不吝惜咁放上一大片厚切的, 好似扣肉咁. 腊鴨就稍為少左d d.. 其實果煲飯已經俾腊肉d 豬油焗得好香. 如果多幾件油鴨.. 有埋鴨皮d 油撈落d 飯到.. 真係不得了喇~~
咸魚肉餅又係正. 個肉餅要好似焗酥皮湯d 酥皮咁... 完全封哂成個煲仔.. 大大塊肉餅, d 肉汁滲哂落d 飯度.. 咁先夠香 ~ 不過唯一失色嘅係舊咸魚太細舊. 仲記得有一次 o係街邊食一個咸魚肉餅煲仔飯, 果次竟然將識得將d 咸魚切碎. 再將呢一大埋咸魚蓉鋪上塊肉餅度蒸... 再放多舊咸魚 o係面. 令你可以每一啖飯都有一樣強烈嘅咸魚香.
好少會食得果兩種煲仔飯就寫篇野(通常食好多野先會寫). 佢d 肉餅又未必夠'牛下雲興隆'咁多滑滑肥豬肉, d 腊味又未必夠'中環鏞記'果d 咁正. 得我歡心者, 就係d 冇得頂嘅飯焦喇!! 原因就正正係用左炭爐, 同埋一個工夫了得嘅師傅. 佢用嘅係一個長長嘅BBQ爐... 下面鋪滿炭咁去炮製. 師傅當然記一功啦, 不過用炭燒, 呢種熱力可以慢慢滲入個煲度, 變左d 飯焦脆得黎又唔燶到黑哂咁.... 我係鮮有將所有飯焦通通食哂, 一粒都冇剩 (懶理痴牙唔痴牙).
差不多幾乎每次上黎都會叫豉汁蒸倉魚, 幾廿蚊大大條.. d 豉汁又唔會過鹹搶哂d 魚味. 老豆有"哦"我話食得多倉魚唔健康. 之後有次就叫條老虎斑試下啦.. 一斤多少少都成三舊水喎.. 上次蒸得仲要過左d d 火, 食落d 肉仲唔夠倉魚滑. 所以.. 往後都係會食返倉魚架喇..
果汁係順應老豆要求, 話點都要有d 健康野落肚.. 出面我飲開十零蚊杯, 家下三十幾蚊呀. 肉都赤埋, 哈哈.. 冇計.. 點都要叫~
p.s. 我記得佢d 煲仔飯有款係京葱羊肉.. 哈哈.. 睇黎下星期都要去會一會佢~
張貼
