滿樂中菜 (已結業)

突然之間好想食一些香口菜式， 朋友話食個呢間「金沙炸魚皮涼瓜」， 會食到停不住口，當真🤔！ 餐廳位於西九戲曲中心， 在港鐵柯士甸站E出口後，再由扶手電梯上一層就到。整座設計優美，空間感足夠，周圍行吓感受藝術文化後，就進入開餐時段，來體驗食的文化吧😄！ 揀咗四款小菜， 再加 一個燴飯。 金沙炸魚皮涼瓜涼瓜用上鹹蛋黃炒香配以炸魚皮，味道非常夾，上枱香噴噴， 食落脆卜卜， 非常香口，帶點微辣更加惹味，朋友果然好介紹喔！椒鹽九肚魚金黃色賣相討好， 薄薄脆漿，外脆內嫩，火喉控制得宜。 兩款都滿足到我想食香口菜的引起🤗🤗🤗！蒜香梅汁蒸白鱔片大廚突破傳統煮法 ，過去製作離不開以豉汁，蒜片及辣椒。今次用上酸酸的梅汁蒸，帶起肥美白鱔片的鮮味喔！創新煮法令我多一款味道選擇，🤩鮮百合炒雜菌全素材料，有鮮百合，西芹，雜菌，腰果，健康有益，均衡飲食。滿樂蔥蒜牛肉鬆煨飯 煨飯入口感覺濕潤及軟腍，口感不錯， 散發蔥蒜及牛肉香味， 簡簡單單的食材卻煮出上乘的口味， 大廚頂瓜瓜。黑白千層咖啡糕， 甜一甜嘴巴吧！ 下次要再約知已再來聚餐，皆因座位非常舒適，侍應招呼周到，而餐牌上菜式多選擇，還有其它都想食喔！ 等我………