川館 (大王東街)

營業中

休息中

今日去大王東街終於俾我買到馳名蛋撻，難得咁高興，就順道去埋對面嘅川館食個酸菜魚慶祝吓。呢度嘅烤魚套餐非常抵食，有烤魚、蔬菜同廣島蠔，咁豐富都只係$368。烤魚有麻辣、酸菜、蒜香、麻香青花椒四款口味可供選擇。我哋第一次食，就覺得酸菜同烤魚味道係最夾。烤魚味道甘香，魚肉仍然保持鮮滑，吸咗酸菜嘅味道，更加越食越開胃。廣島蠔每隻都相當飽滿，放入酸菜魚吸收味道，完全唔需要其他調味都咁好味。蔬菜拼盤包括有金菇、萵筍同娃娃菜，非常豐富。 烤魚套餐另加$68就可以換購手切牛肉，份量相當豐富，夠牛肉味之餘仲好有𡁻口，絕對值得推介。另外我哋重點咗芝士豆腐，呢個就係普通打邊爐嘅丸類。當然唔少得我哋至愛嘅午餐肉，香煎午餐肉當日湯底都唔怕煮爛。另外我哋分別揀咗凍柚子蜜同芒果沙冰，作一個完美嘅句號。