119韓國站 (已結業)

今天晚上去左個防空洞食飯, 一睇就知個場幾有韓國國民風味, 一點也不離地, 絕不走 fancy 路線。入去第一個感覺係排排坐等空軍司令分配食物，好有韓國地下街的感覺。 兩個女仔 半份鐡鏟空軍芝士烤雞。果然明符其實, 真係成個鐵鏟上碟! 我即刻聯想到一支好勤力的軍隊去開墾土壤, 努力衛國, 好有團結一心的正能量(下刪1000 字) 。咁有gimmick 的鋮鐡鏟其實裝住d咩? 入面鋪滿哂mozzarella 芝士，放係電磁爐上面 '興住' , 令芝士溶化，變得香軟黏綿。芝士入面裹住嫩滑多汁的烤雞件, 重有辣醬和香料醃製而成。我忍唔住問老闆係咪落左蜜糖, 佢話當然唔係,只係醬汁調得好，微甜間隱隱滲出一絲辣味，感覺特別。當將d芝士慢慢拉起, 真係見到絲般的效果! 全件雞放入口, 食到好多層次之餘，給你味蕾前所未有的震撼! 加上洋蔥同其他配料, 真係好繽紛熱鬧! 重有呢個燒肉生菜包。這就是包肉的有機生菜，看起來好翠綠! 上碟的燒肉已燒好了,全塊上但如果想細細塊入口, 亦可自行用較剪cut 細d。然後將生菜塗上韓式辣味噌，夾上泡菜捲埋舊燒肉一齊食, 有肉汁有油但絕不油膩!