牛大人台灣火鍋吃到飽 (大鴻輝(荃灣)中心)

營業中

休息中

鼎鼎大名嘅牛大人剛開嘅時候就已經食過，原來牛大人都已經開左好多分店，今次去左荃灣嘅牛大人分店，一邊食住雪糕，一邊食火鍋。湯底選擇左牛大人紅燒牛骨鍋，入面真係有大大舊牛骨，非常足料。我就揀左澳洲極上和牛吃到飽套餐，除左基本嘅雞牛豬外，仲可以任食澳洲和牛。另外仲送上每人兩粒嘅澳洲M9和牛牛丸，牛丸好大粒，咬落彈牙多汁。肉類質素都唔錯，澳洲和牛M5牛肩卷嘅色澤都好靚，脂肪平均，牛味香濃。安格斯牛小排肉質柔軟，鮮嫩多汁。 另外仲有好多熟食小食選擇，可以一邊食，一邊烚下烚下。飲品方面選擇都有好多，除左冷泡茶外仲有近期大熱嘅鴨屎香檸檬茶。如果想啤一啤，就要留意少爺啤酒嘅優惠，即日起至7月14日於每晚的限定時間內會有買一送一優惠。最最最重要嘅係晚市仲可以係全線嘅牛大人任食 dreyer's雪糕，而且仲有開心果嘅雪糕揀呀。