甜蜜蜜 (已結業)

由灣仔行上山頂，一上到黎見到有間甜品店諗住叫個冰食下，點知睇d display都唔多吸引。諗諗吓，都係去麥記飲杯思樂冰穩陣d。點知6點幾，可能因為疫情，麥當勞都提早關門。結果無得揀嘅情況之下，唯有死死氣返反呢間仲開嘅甜品店。叫咗3樣嘢：1） 綠豆沙2) 雞蛋仔 3) lemonade ...叫嘅時候個大嬸好似好hea , 又無心聽你要d咩。講咗要綠豆沙又聽咗紅豆沙....個綠豆沙嚟到個味勁似紅豆沙，好漿嘅感覺...以為俾錯。跟住問返大嬸呢碗夠竟係咩，佢問返我哋夠竟要紅豆沙定綠豆沙？我哋話我哋要綠豆沙，佢就好隨心哋答，咁呢碗咪綠豆沙囉....雞蛋仔黎到係凍嘅而且唔多脆，粉漿太厚太實，無空氣感。最後只有一杯好甜嘅lemonade勉強飲到。如果下次再上嚟無嘢食，真係寧願唔食。相信山頂嘅租都唔平，呢間嘢要疫市生存，各方面都有好大進步空間。