MoMo Café

營業中

休息中

疫情下好多酒店自助餐都做緊優惠，呢間都唔例外，原價連加一547蚊，用openrice訂座，65折後，只係每位373蚊。食物方面，選擇唔多，但樣樣都係水準之作，所謂貴精不貴多。主打任食生蠔，鱈場蟹腳，同17款movenpick雪糕！！ 至於有啲自助餐提供嘅特色菜式如印度菜就欠奉。自助餐冷盤為主打，海鮮刺身好新鮮。熱盤選擇唔多，一啲唔食生冷嘢嘅長者，可能就唔係太適合啦。服務方面，侍應十分勤快，連我隻骨碟都收埋，哈哈！有小朋友唔帶走口罩走出去食物區，侍應生立即好言相勸，十分盡責。環境方面，裝修新淨，乾淨企理，只係洗手間有少少濕。今晚約七成滿，唔算擠迫，取食物亦唔使排好耐，不過，餐廳就望唔到海景。成晚食咗兩個鐘，每樣菜色都很好味，心滿意足。