URBAN Café Commune (屯門市廣場) (已結業)

無聊屯門行街，肚餓輕食。今次叫左一個allday晨神早餐同個流芝漢堡。首先講個全日早餐，有好重黑椒味既牛角包，味道還不錯。炒蛋香滑，但無咩牛油味，可能健康關係，之後火腿同沙律菜就正正常常，唯一驚喜係炒姑，甜甜地幾好味。之後就係流芝牛堡，個包幾好食，特別係個面包皮，反而炸薯條麻麻地。最後梗係飲杯熱啡。整體味道可以，環境都衛生同闊落。但上菜速度比較慢，價錢唔算平。