德家日式燒肉店 (已結業)

疫情打擊下，大部分食店都減價，估唔到德家係加價😂198嘅餐轉左238，抵食程度大跌。另外都有其他變化，先講好嘅。飲品多左自製冷泡茶飲，玄米茶幾香👍🏻落單轉用二維碼電話落，較環保亦可以睇返叫左咩幾點叫。衰嘢就多左，除咗加價，之前落完單好快就有野食，但今次就算第一轉都成5至10分鐘，之後就越嚟越耐。最後一轉last order，等咗好耐再追左兩次先至嚟，等咗40分鐘😵都真係幾擺到明專登拖單。好彩佢都唔會兩個鐘頭就過嚟趕你走，都食得完。食物質素無大改變，可以睇返之前大家嘅評價。