君悅咖啡廳

營業中

休息中

君悅個景靚就好多人知，食物款式多同質素都keep得到，重要讚下疫情期間衛生情況好好，至少食得安心。刺身大路嘢：三文魚、甜蝦、帶子、吞拿魚、魷魚都有。味道雖然唔算太鮮甜，但勝在款式夠多。冷盤：唔.....龍蝦無咩味、峴有沙、蟹腳係正嘅，有海水味又鮮甜。牛扒好淋，好有牛味，肥瘦適中。蝦就都係禁啦，肉實淨，鮮味就無咩啦。炒龍蝦係必食嘅，比冷盤龍蝦好食好多，個汁好濃味，熱辣辣，好有鑊氣。鵝肝煎得香口，好多地方都整得過熟，但呢到無，食完一件再一件。珊瑚蚌蒸蛋？好似係蛋蒸得滑，個汁係豉汁，配搭新鮮甜品有好多款，我就真係唔識分好唔好食啦，係甜品都中意，首推拿破崙蛋糕。重有好多野食，不過真係食唔落啦。