OM Tapas (已結業)

疫情之下提早慶祝聖誕節，前排就揀咗間西班牙餐廳，見到佢嘅聖誕Menu都非常吸引，好多菜式選擇。西班牙點心精選一開始以為三粒都係炸薯球，切開其實內有驚喜，有蝦香丸子、黑松露芝士燉飯球同傳統豬肉薯球。西班牙海膽溫泉蛋龍蝦濃湯呢個餐湯味道非常濃郁鮮甜，加埋溫泉蛋可以令口感增加層次。三重牛奏呢款主菜絕對滿足到牛魔王嘅喜好，有牛骨髓、牛柳同牛尾。比平時慶祝淨係鋸扒更加特別，牛尾食落有驚喜，燉煮到肉質好軟淋，牛味又濃。佩德羅 希梅內斯帶骨黑毛豬𩣑黑毛豬𩣑份量十足，食落啖啖肉，伴碟既薯蓉同紫薯蓉都唔錯，不過醬汁可以加多少少。海鮮西班牙飯估唔到食完主菜仲有咁大碟飯，雖然都食到幾飽，不過呢個西班牙飯絕對會令你想食埋佢。飯粒有咬口，仲吸收晒海鮮嘅精華。西班牙油條可可醬 食西班牙菜總結點都唔少得一個傳統嘅西班牙甜品，油條炸得香脆可口唔會油膩，點埋朱古力醬好滿足。巴斯克焦香芝士蛋糕芝士蛋糕味道好濃郁，軟綿綿帶點濕潤既口感令今晚嘅晚餐畫上完美嘅句號。