波仔 (已結業)

疫情嚴重咗夜晚冇得堂食，回復返居家抗疫。呢啲時候一定要入返啲冷藏食物喺屋企🏡。.雖然佢唔會話特別好味道好突出，不過每盒份量都好足夠而且$25-30就買到盒飯🍱，性價比相當高🤩，又夠晒方便。波仔的確喺一個偷懶唔煮飯嘅選擇🙌🏻。.📍清湯牛腩（$42）成包擺落熱水煲熱就食得，真係好方便👍🏻。分量唔算多，個湯就咁飲都幾清甜😻。牛腩口感好腍，不過食落就略為淡味左啲🐂。.📍鮮茄豬扒蛋炒飯（$25）Pork Chop In Tomato Sauce With Fried Rice鮮茄汁略為唔夠酸🍅，配炒飯底，豬扒表面唔係脆卜卜🙈，不過都算有一定厚度👍🏻，口感唔差，有種返到中、小學食飯盒嘅感覺🤗。 $25蚊抵食到不得了🙌🏻！.📍雞串燒3串（$22）Chicken Satay將雞串放入焗爐焗幾分鐘就食得😍，肉質軟綿👍🏻，沙嗲味十足🤤，非常惹味，而且價錢合理，喺個唔錯嘅小點心🍴。