尚海人家 (英皇道) (已結業)

好多餐廳都冇開，行過見到有間新餐廳試業中，又見價錢好實惠，一於買返屋企食👍🏻叫咗個菜飯餐，誤會咗以為生煎包加小食再加飯餐😂所以今次試唔到生煎包😭揀咗糖醋排骨菜飯，排骨炆得夠林👍🏻糖醋汁夠酸酸甜甜，係我最鍾意嘅味道🤤今餐小食叫咗涼拌小木耳，少少辣少少酸夠晒開胃👍🏻另外叫多咗個桂花蜜糖雞翼，唔好睇佢好似冇乜汁咁😎佢係夠味同埋有陣陣桂花香🤤食過返尋味，好後悔叫咗三隻咁少🥲另外嗌多咗個酥炸蔥油餅，外型好得意成個包咁，裏便係滿滿嘅蔥餡👍🏻👍🏻👍🏻最後梗係唔少得甜品🍮就試桂花酒釀小丸子，食落去好驚喜，好香桂花味🌼同埋佢個糖水好清甜總括而言，呢間餐廳我會再encore👍🏻又實惠又好食