影片
更多
2020-08-21
316 瀏覽
全日禁止堂食的前夕，專程入西貢食最後的午餐，以為疫情嚴重，應該唔會多人，可以享受吓效區嘅寧靜。可惜一到西貢，人多車多，真係估佢唔到。我哋決定食海鮮，全記發記通記洪記勝記隨便一間，經過海旁嘅全記，疫情下二人套餐每位$248免茶錢免加一，四餸一油菜，選擇都多，室外剛剛有張空枱，立即坐低先，之後就陸陸續續好多客人喺門口等位。可能好多人都趕住全日禁堂食之前品嚐一下豐富嘅午餐。椒鹽瀬尿蝦，好細碟，炸得好香脆，微辣，細細隻，肉唔多。香蒜椒鹽墨魚，好細碟，無墨魚味，唔似墨魚似鮮魷。古法椒鹽鮑魚，每人一隻，幾香口，好腍，但無鮑魚味。清蒸海上鮮，估唔到都幾大條，蒸得剛剛好，肉質鮮嫩，加上豉油汁，好味。白菜一碟得幾條，送嘅，唔好咁多要求。總結：$248 一位免茶免加一，唔好要求太高，成個套餐最低食係條魚，其他份量都好少。 間中去西貢食吓海鮮餐都係不錯嘅選擇。
全日禁止堂食的前夕，專程入西貢食最後的午餐，以為疫情嚴重，應該唔會多人，可以享受吓效區嘅寧靜。可惜一到西貢，人多車多，真係估佢唔到。
我哋決定食海鮮，全記發記通記洪記勝記隨便一間，經過海旁嘅全記，疫情下二人套餐每位$248免茶錢免加一，四餸一油菜，選擇都多，室外剛剛有張空枱，立即坐低先，之後就陸陸續續好多客人喺門口等位。可能好多人都趕住全日禁堂食之前品嚐一下豐富嘅午餐。
椒鹽瀬尿蝦，好細碟，炸得好香脆，微辣，細細隻，肉唔多。
香蒜椒鹽墨魚，好細碟，無墨魚味，唔似墨魚似鮮魷。
古法椒鹽鮑魚，每人一隻，幾香口，好腍，但無鮑魚味。
清蒸海上鮮，估唔到都幾大條，蒸得剛剛好，肉質鮮嫩，加上豉油汁，好味。
白菜一碟得幾條，送嘅，唔好咁多要求。
總結：$248 一位免茶免加一，唔好要求太高，成個套餐最低食係條魚，其他份量都好少。 間中去西貢食吓海鮮餐都係不錯嘅選擇。
張貼
