滬江飯店 (已結業)

記得這裏好久未來，地方寬敞開揚，2:00pm來到, 全場已無客人，再坐半小時，才有2人客到。 本想單叫，但樣樣都話冇，連銀絲卷都無，因為少人光顧，不會做咁多食品，套餐就有，而且抵食，2人套餐＄308，還有9折，即叫即到，一碟緊扣一碟上枱。 雞絲粉皮，鎮江餚肉，粉皮爽滑過雞胸絲，餚肉無失敗。薺菜肉絲豆腐2碗，肉絲幼，味清淡，豆腐滑，筍絲爽，料足夠。彩椒炒蝦仁（可轉別小菜）轉腰果雞丁，熱炒，腰果多而香脆，味宜雞嫩。糖醋魚塊，粉薄肉厚，青红燈籠椒，好椒香味，各有各新鮮，糖醋酸點醒胃，有交侍。花素蒸餃， 菜腍，皮笠。酒釀丸子，酒糟無味，有柑桔肉，算加點色彩及香氣。 飽餐一頓，小菜有剩拿走，晚飯再食都無變其味！