百匯小品

營業中

休息中

疫情中好多食肆冇唔開門﹐街坊寧願係格離買點心返屋企食。今日見店內唔多人所以入去坐低叫咗6樣點心。食完5樣仲有一樣未到﹐以為漏單﹐叫侍應阿姐print張單睇下。check到有落單﹐順便叫阿姐幫手跟下﹐個阿姐答我一陣有﹐之後又一路執枱路同其他茶客講私人野。見個阿姐好似忙到連廚房都唔得閒入﹐咪叫另一個推點心出嚟既阿姐跟﹐佢又係答一陣有﹐佢入完廚房出嚟都係冇。等咗一陣決定唔要﹐去同收銀呀姐講有一樣點心冇到(收銀呀姐冇著制服﹐又會幫手執枱﹐個款似係老闆親信。)收銀呀姐叫咗我第一次叫佢跟個侍應去睇下有冇﹐我話唔洗睇﹐我依家埋單走﹐唔知係咪你收銀呀姐面前,佢好緊張咁話幫我睇下﹐會打包啲點心俾我﹐我話唔要啦。收銀呀姐話唔收我錢。個侍應呀姐好緊張咁係收銀姐一路計數一路懶好心"教"我應該一早同佢講趕住走佢一定即刻拎俾我。雖知道屋邨酒樓仲要呢個價錢唔可以要求咁多,希望方圓十里既食肆快啲開返。