川辣仔烤魚雞煲

營業中

休息中

疫情搞到無得堂食，好慘夜晚無得出去食飯，突然好想食雞煲，諗起屋企附近新開左間雞煲火鍋，可以買返屋企整個雞煲加火鍋。叫左個小辣，雞煲份量足，醬料味濃好惹味，麻麻辣辣，味道有層次，雞肉嫩滑，本身好怕食到鞋身嘅雞肉又或者骨多肉少，但哩個雞煲舊舊都大大件，啖啖肉。外賣會連埋一碗豬骨湯，十分窩心，可以加湯打邊爐，味道香濃，加料落去都唔洗點豉油。另外加$9有兩罐啤酒, 加埋都係百幾蚊，價錢算抵食。 除左雞煲，仲有烤魚可以order, 有得食江團魚，啖啖肉，既然雞煲都咁靠得住，我諗烤魚都應該唔錯，下次可以再黎幫襯烤魚。