品坊 (已結業)

之前團購見平，一直買落黎都無用到，點知疫症黎左，2月過期，唯有去食左先。個場都勁冷清，食物既種類款式都好少，而且味道都唔太好，感覺好一般。不過都衛生既，每樣食物都有膠蓋 cover ..青口正常味，牛脷好淋好入味，幾好食既。雞肉就比較 hi 口 d , 通心粉果 d 都正常野。無乜野食既情況下，又再食牛脷。冷麵亦好一般，無乜味，又有 d 硬。煙三文魚同加洲卷都正常水平。諗住芝士配下餅乾睇睇，點知餅乾天疏曬風，唔脆，好難食。佢有生蠔，我朋友食話覺得都 ok 佢食左成打，我自己不嬲唔太食所以無試。甜品方面，雪糕既狀態唔太 fresh 有少少融融地咁，而且畢雪糕果個羹長期浸住 d 靜態既水，其實都唔太好咁。焦糖燉蛋果個算係最好食了，其他既 cake 都相當一般，同普通街上既街坊餅舖麵包舖差不多。成個場加埋得十個人左右，真係好冷清。