瘋鳥 (已結業)

去到長沙灣呢個被譽為美食天堂既地方，就決定試試呢間比較出名嘅Cafe。cafe環境唔錯，音樂、燈光都調教得好舒適，有家的感覺。首先叫咗個芥末蜜糖雞扒沙律，芥末蜜糖醬好好味，有d似千島醬，配上剛剛炸起既雞扒同沙律菜，喜歡食草既朋友們，可以一試，作為開胃前菜亦唔錯。之後，主菜叫了三重芝士炸蝦pizza，見到網上唔小人讚就決定試試，芝士極多！配上香脆餅底、蕃茄醬、大量拉絲芝士同巨形炸蝦，感覺新穎，食落又夠香口，唔錯。兩人食份量算好大，如果下次有幾位朋友share就應該剛剛好。飲品方面，叫左個橙芒果沙冰，酸酸甜甜，開胃得黎又夠fresh，將之前油膩感一掃而空，正！最後，作為麻薯窩夫🧇既fans，點可以錯過，叫咗個特濃朱古力麻薯窩夫，麻薯窩夫煙煙unun 好有咬口，配上忌廉、熟透夠味既香蕉、朱古力醬同埋朱古力雪糕，為呢一餐劃上完美句號。🤤🤤整體黎講，環境舒適、食物質素高、價錢亦合理，不過就要留意入座時間、晚餐時間未必有位，最好book定👍🏻。