影片
更多
2017-08-06
60 瀏覽
提起登龍街好多人都係即時諗起拉麵店、拉麵店同拉麵店，其實嗰邊都有龍蝦包、甜品店等，而喺街頭有一間挺新嘅越南野，叫越男仔，我地今日就去食左。週六下午茶時間去到，估唔到客人都不少，好在剛剛有人埋單，我地剛好唔洗等位。相信平日食飯時間會更多人，畢竟附近都好多番工人士。餐廳位置都幾多，裝潢新式，有卡位、適合人少少嘅高枱高櫈，部分飾物都幾有文青感。餐牌有越式粉麵、小食、任品，喜歡自選嘅朋友亦可以自己揀配料。不過留意，呢度係冇越式飯食架。喺銅鑼灣而言，定價合理，點粉麵更加可以優惠價配小食、飲品，而且免加一務費，性價比高，難怪keep住都有客人入座。我地今日想試多啲小食，所以只係點左一碗粉分享。落單後不久就上菜，速度非常快，轉眼就上齊。如果唔想啲食物凍哂，或者要逐啲點。越式生牛肉牛骨湯河粉 $58：生牛河粉份量不少，牛肉都有好幾大片，湯頭夠熱辣辣，只係略嫌牛骨湯底味道唔算太香濃。牛肉片食落嫩腍，脂肪位置唔多，加少少魚露或者枱面上已有椒絲，已經好好食。蒜香牛油雞翼 $16/2件：正價24蚊，不過點左主菜(粉麵)就可以優惠價加小食，雞翼牛油味都幾突出，雞翼皮雖然比較厚身，但都幾脆。冰鎮蜜糖凍蕃茄 $35
餐牌有越式粉麵、小食、任品，喜歡自選嘅朋友亦可以自己揀配料。不過留意，呢度係冇越式飯食架。
喺銅鑼灣而言，定價合理，點粉麵更加可以優惠價配小食、飲品，而且免加一務費，性價比高，難怪keep住都有客人入座。
我地今日想試多啲小食，所以只係點左一碗粉分享。落單後不久就上菜，速度非常快，轉眼就上齊。如果唔想啲食物凍哂，或者要逐啲點。
越式生牛肉牛骨湯河粉 $58：生牛河粉份量不少，牛肉都有好幾大片，湯頭夠熱辣辣，只係略嫌牛骨湯底味道唔算太香濃。牛肉片食落嫩腍，脂肪位置唔多，加少少魚露或者枱面上已有椒絲，已經好好食。
蒜香牛油雞翼 $16/2件：正價24蚊，不過點左主菜(粉麵)就可以優惠價加小食，雞翼牛油味都幾突出，雞翼皮雖然比較厚身，但都幾脆。
冰鎮蜜糖凍蕃茄 $35：整個蕃茄去皮冰鎮，面頭淋上柚子蜜，以蜜糖伴碟。以刀叉輕輕一切，蕃茄裡面嘅水份流出，入口新鮮，完全唔酸，加上柚子蜜嘅味道清新。其實呢個都有啲似四川嘅凍蕃茄，不過以蜜糖取代當中嘅白砂糖。鐘意食蕃茄嘅朋友可以一試呢！而且天時暑熱，食啲冰涼嘅野，降溫不少。
法式芝心蝦多士 $38/4件：多士面頭平均分佈芝麻，裡面釀入蝦膠，食落香口又脆卜卜，芝麻味突出，蝦膠都算幾彈牙，加埋芝士夾心，啖啖滋味，如果跟餐都係28蚊，幾抵食呢。
越式蝦餅 $38/4隻：越式蝦餅有別於泰式蝦餅，個人認為味道都係以後者較為優勝。越式蝦餅薄身，口感上點都會爭啲，食落都幾乾身，蒜蓉調味唔係好突出，而呢度嘅蝦餅係一早整好，冇新鮮熱辣感覺。
越式素春卷 $20：春卷皮較腍身，唔夠酥脆香口，如果可以有埋香葉提供包住生菜食用，感覺會較完整。
手撕雞檬紙卷 $38：檬紙卷共有三款，其中兩款非常新穎，分別係海膽手撕雞檬紙卷($79)、三文魚手撕雞檬紙卷($55)，不過我地都係傳統啲，都係揀番原味，哈哈。手撕雞堆滿檬紙卷，加有黑椒都幾惹味，檬紙卷唔會太厚太硬，沾上少少檬汁酸酸地開胃。
利賓納青檸梳打 $18：正價28蚊，原枝泰國象牌梳打水倒插，都幾特別嘅。
雙檸七喜 $20：即係青檸加檸檬，不用多說。
張貼
