茶滿滿 (已結業)

呢間台式嘢飲鋪喺旺中都幾顯眼，行幾轉幾轉都見到佢，所以決定一試。我上網睇有咩推介，見到有人嗰杯識發光咁型就叫咗就係呢一杯滿滿星塵。原來要佢發光係要放喺佢旁邊個射燈位，我仲以為自己識發光...飲落係梳打+蜂蜜味，但味道偏甜。我order時諗住叫少甜，但係店員話甜度係調制好嘅，唔記得咗佢係話無得改甜度定係話改咗會無咁好飲，反正最後我同朋友兩個都無叫到少甜，結果兩杯都好甜我朋友叫嘅係手炒黑糖珍珠鮮奶，我無試味，不過聽佢講啲黑糖珍珠好腍好易咬，佢都幾中意。店面都裝飾得幾靚。