CHOWTIME

營業中

休息中

估唔到馬鞍山呢個美食沙漠，終於比我發掘左一間新嘅西餐廳，入面無論係環境或者服務質素都相當唔錯，食物都相當值得一試，性價比頗高。西班牙黑毛豬扒真係非常出色，呢個真係有驚喜，黑毛豬非常厚身，剪得外皮香脆之餘，仲可以鎖緊肉質，配菜蘋果香甜，蘆筍同埋茄子煎得相當香，仲有炸好嘅薯角，金黃香脆，呢個份量足夠兩至三個人一齊share！如果嚟到呢間餐廳一定要點西班牙黑毛豬。另外我哋仲點咗墨魚汁富蝦意大利闊條麵、珍寶雜錦薄餅，薄餅嘅餅底烘得非常香脆，入面有意大利火腿、辣肉腸、雜菌、洋蔥、菠蘿，非常足料，Pizza做得唔錯！墨魚汁闊條麵麵條好煙靭，充滿墨魚汁嘅海鮮味，鍾意食海鮮嘅朋友就啱晒啦