雄丼丼 (已結業)

剛才午飯，去咗一間喺鰂魚涌海灣街橫巷叫雄丼丼嘅大排檔，叫咗個碎蛋沙律芝麻醬冷烏冬。比我發現一"舊"呈灰色的發泡膠粒。同個師奶侍應講，佢睇完後話係碎蛋，我即刻指住粒真係碎蛋話：「唔係掛，呢粒真係碎蛋同灰色個粒好唔同喎！」佢冇理我走咗去，跟住我叫另一位﹙望落似﹚話事人，佢攞走咗我碗烏冬，唔使十秒攞番轉頭，話冇野嘅，碎蛋嚟啫，但粒灰色野冇咗，我大聲話，有冇攪錯，好離譜，跟住佢仲離譜，話已經換咗，呢碗係新嘅，連搭枱嘅路人甲都見到係頭先個碗，因為我郁過d餸，擺位亂咗，係我整亂，我認得。我唔食，睇下點投訴佢，一分鐘後，佢走埋嚟叫我換第二個餐...各位，佢地d食物污穢唔在講，用d咁抵劣手法一而再再而三想當個客白痴欺騙過去！換轉係你，你仲想唔想食？超...離譜...