S2 Kitchen (已搬遷) 新店位置

係石板街附近發現左呢間好似平平無奇既餐廳，原來卧虎藏龍。不要睇餐廳好似好細，但隱藏左好多好有創意既美食！😋餐廳招牌菜：師傅自創👨‍🍳十層海膽杯十層（進化版），份量經過不停既改良，層層都令人驚喜。十層包括：燒白飯魚脆片，黑魚子，北海道紫海膽，沖繩海葡萄，藍鰭吞拿魚拖羅，三文魚子，白蝦，松葉蟹肉，鮮海帶碎！完美既配搭，令到每一層都有獨有既鹹香鮮味而不會搶走其他既味道。 賣相亦很吸引！另一道 自家創作菜式：三文魚夾餅🍣🍣用左燒白飯魚脆片 夾住左三文魚他他蟹籽蓉 既壽司！好特別！盡量一啖放入口，味道非常match，白飯魚脆片帶有鹹香既味道，融合左三文魚他他 既鮮甜既味道。不會覺得膩！ 👍海膽芝士蟹籽岩燒蠔🔥🔥大大隻岩蠔，舖滿海膽，蟹籽，芝士一齊燒！🤤多重既鮮味 ，味道濃郁又juicy！口感非常好層次!再叫左幾款串燒🍢 雞皮，牛舌，十勝豚肉，雞軟骨🍢惹味十足！即叫即燒好香口。