空海 (已結業)

平時食飯比較少過嚟旺角，因為旺角嘅食物水準往往比尖沙咀銅鑼灣好似低少少，但係睇到電台DJ嘅介紹，咁啱又要同朋友嚟旺角買嘢，就趁呢個機會試一下！門面有啲似日本出名嘅蟹餐廳。先來一份前菜，枝豆，番薯，麻醬豆腐。估唔到豆腐好滑！同上面嘅櫻花蝦味道好夾。清酒煮蜆味道好香，蜆肉又大又甜！蟹腳刺身亦都好甜！好鮮味！質感好滑！麵豉湯入邊藏有大大嚿蟹肉！蟹肉甲羅燒蟹膏味道十分濃郁！係我食過咁多次最濃郁嘅一個！而且比較杰身，我諗住試真係落足料，如果可以有飯或者多士做配菜會較好！蟹肉玉子燒熱辣辣好香！玉子燒得焦香又好滑，上面嘅蟹籽好新鮮！玉子甜甜又充滿蛋香！廚師毫不吝嗇蟹肉，玉子下邊有一層好厚嘅蟹肉墊著！食落有幾層唔同嘅口感！終於得到主菜，海膽帶子蟹肉飯份量十分之大！帶子好鮮甜肉厚！海膽亦都係好粒！好creamy, 有小小海水味，好甜！而下面嘅蟹肉亦都係厚厚一層！個人應為多到好誇張！真係食蟹肉都食飽！呢度食物質素唔錯，份量又多！材料好新鮮，但係座位不多，所以來之前一定要訂位！