得寶軒偉師傅私房菜

營業中

休息中

有時私房菜唔係開到大街大巷，而喺開在一些大廈樓上，所以都會有機會走漏眼「得寶軒」私房菜就在灣仔聯發大廈1樓，入到去面積不算大，散枱幾張，也有三間包房，裝修不過不失尚算企理。坐的時候是晚上八點，客人比較多。《太白海蝦拼脆炸饅頭》之前我未食過用酒糟煮法，酒糟半帶甜的淋在蝦身上，蝦夠大隻，肉爽而不韌，另外，用脆炸饅頭點些酒糟來食，甜甜哋與饅頭幾夾。《白飯魚南瓜蒸肉餅》白飯魚鹹鹹地滲在肉餅上更加香，南瓜就有中和肉餅的油膩感，配搭得宜，有呢個餸就要伴飯食先和味，撈埋汁仲可以食多幾碗飯添。《蘆筍水果炒斑塊》每舊斑塊份量十足，伴著蘆筍、蜜瓜、配菜一齊炒，很夠鑊氣，魚肉腍身口感不錯，其他配菜亦炒得香口。《雪梨豬展燉湯》清甜不膩，夠晒滋潤。三餸加一個燉湯，兩個人食剛剛好，整體嚟講，每個餸的味道也不錯，服務態度也親切，食飽飽就滿足了。