影片
更多
2017-12-21
155 瀏覽
menu 經常轉換新菜式，仲好特別吓，非常令人期待。芝士西蘭花湯，從未飲過咁稀既，果然係湯水，好水呢。淡稀湯汁味道又不錯喎，最衰質感較差。啤酒焗雞扒意粉，奇怪地雞扒食唔到任何酒味，反而酒味只來至個汁呢，即係無用酒醃雞？雞肉嫩滑多汁，雖然有點油膩，幸好雞皮帶膠帶黏，煎香一點更好。紅咖喱龍脷魚意粉，一坐低侍應阿姐即話無飯食喇，已經賣晒，唔好意思呀。無緊要，意粉先啱我啦。但早前食過發現太腍太粉口過熟，貫徹始終依碟都不例外，下次食薯菜算喇。紅咖喱香，不過色水差少少，咖喱味近乎零，質感幼滑，十足忌廉汁一樣。乾煎龍脷柳大大條，表面塗左蛋漿，煎得十分香口，肉質嫩滑水潤有肉汁，滿意可口。忌廉南瓜湯，飲完都唔知係咩湯，睇完 menu 但唔記得左。味道清淡水汪汪，接受還可以。蘋果咖喱豬扒焗意粉，聽個名幾得意，就試試佢。即叫即焗，新鮮滾熱辣，Good Good Good ﹗唔似大集團快餐店焗定晒，完全係兩回事。咖喱滑溜，香而不辣，還帶點點蘋果甜味，好開胃，轉眼間已被我消滅晒所有意粉﹗意粉出奇地烚得乾爽，質感彈滑非常好。先煎後焗豬扒，香噴噴醃味可口，質感軟棉，好好食﹗忌廉粟米湯，一向以來郵票出品既餐湯都非常稀
芝士西蘭花湯，從未飲過咁稀既，果然係湯水，好水呢。淡稀湯汁味道又不錯喎，最衰質感較差。
啤酒焗雞扒意粉，奇怪地雞扒食唔到任何酒味，反而酒味只來至個汁呢，即係無用酒醃雞？雞肉嫩滑多汁，雖然有點油膩，幸好雞皮帶膠帶黏，煎香一點更好。
紅咖喱龍脷魚意粉，一坐低侍應阿姐即話無飯食喇，已經賣晒，唔好意思呀。無緊要，意粉先啱我啦。但早前食過發現太腍太粉口過熟，貫徹始終依碟都不例外，下次食薯菜算喇。
紅咖喱香，不過色水差少少，咖喱味近乎零，質感幼滑，十足忌廉汁一樣。乾煎龍脷柳大大條，表面塗左蛋漿，煎得十分香口，肉質嫩滑水潤有肉汁，滿意可口。
忌廉南瓜湯，飲完都唔知係咩湯，睇完 menu 但唔記得左。味道清淡水汪汪，接受還可以。
蘋果咖喱豬扒焗意粉，聽個名幾得意，就試試佢。即叫即焗，新鮮滾熱辣，Good Good Good ﹗唔似大集團快餐店焗定晒，完全係兩回事。
咖喱滑溜，香而不辣，還帶點點蘋果甜味，好開胃，轉眼間已被我消滅晒所有意粉﹗意粉出奇地烚得乾爽，質感彈滑非常好。先煎後焗豬扒，香噴噴醃味可口，質感軟棉，好好食﹗
忌廉粟米湯，一向以來郵票出品既餐湯都非常稀，水感十足，雖然味道係有，到底是否故意作此特色呢？這碗湯水更加嚴重，見唔到粟米既粟米水，飲得到粟米味既，粟水又縮水。
黑椒薄牛扒意粉，沒有最差，只有更差。意粉貫徹如一腍劈劈又黏又粉，烚到過晒火。試過焗意粉，質地都係黏糊，但會好少少，免強合格。
薄牛扒？入口即時聯想到早餐食既沙嗲牛肉，鬆鬆的牛肉，沒沒點煎過的焦香，而且勁多肥膏同筋。黑椒汁淡而無味，水水的不香不辣，用作撈飯或燴意粉就更加淡。
蘋果醋香煎龍脷柳意粉，意粉 keep 住驚嚇，從最初到現在都係腍劈劈，黏黏粉粉，會唔會轉用幼意粉呢？細號意粉易熟又易處理。不太喜歡食飯，麵才是我的主食，下次再幫襯，都係試試薯菜啦﹗
個汁完全感覺不到蘋果醋味，而且食落只是普通煎龍脷柳，外脆肉嫩，微腥而香口有肉汁，熱辣辣都合格。
砵酒咖喱雞扒意粉，意粉依舊腍劈劈及粉口，烚得太久了﹗還是沒有落鹽烚呢？烚到九成熟左右夾起過鑊，再用橄油炒一炒就夠彈滑嚥韌好味道啦！
咖喱都無砵酒味既？沒半點酒香，失敗。質感好幼滑，濃濃茶記咖哩膽，撈上意粉不過不失。半煎焗雞扒皮香肉嫩，勁多肉汁，好味﹗
黑椒汁橙酒燴鴨胸配意粉，意粉依舊腍劈劈及粉口，烚得太久了﹗還是沒有落鹽烚呢？烚到九成熟左右夾起過鑊，再用橄油炒一炒就夠彈滑嚥韌好味道啦！
黑椒配橙酒怪怪的味道，不喜歡。上檯時聞到陣陣酒香，但入口就一點酒味都沒有。鴨肉有點羶，肉質夠腍，整體味道還可以啦。
跟同檯食客一齊落 order，誰知那位操不純正廣東話的神州肥姐攞住碗湯及我既鴨胸意粉，將碗湯比左同檯食客，碟意粉就交比我﹗
明明依 set 係我架喎，何解無啦啦拆比人地呢？思路非常不妥當喎。慣例先飲湯後食主菜架麻。暫時放著意粉不理，等餐湯到來。過左成分鐘都未到，唯有叫另位四眼阿姐攞碗湯比我，離晒譜架﹗
時間推前到落 order 時，我有點頸喝想飲野先，那位操不純正廣東話的神州肥姐拒絕落單，稱只可以叫主菜先，不可以餐飲同主菜一齊叫，要分開叫！您係咪有病呀！定係有嚴重控制狂？定係精神有問題傻呢？
時間再推到最前，我剛入門口，坐低無人理，那位操不純正廣東話的神州肥姐遞過餐牌給同檯食客，完全無意識比我，當我透明？還是好驚我呀？真係佛都有火！
芝士西蘭花湯
7 瀏覽
0 讚好
0 留言
啤酒焗雞扒意粉
5 瀏覽
0 讚好
0 留言
紅咖喱龍脷魚意粉
4 瀏覽
0 讚好
0 留言
忌廉南瓜湯
5 瀏覽
0 讚好
0 留言
蘋果咖喱豬扒焗意粉
7 瀏覽
0 讚好
0 留言
忌廉粟米湯
7 瀏覽
0 讚好
0 留言
黑椒薄牛扒意粉
20 瀏覽
0 讚好
0 留言
蘋果醋香煎龍脷柳意粉
21 瀏覽
0 讚好
0 留言
砵酒咖喱雞扒意粉
10 瀏覽
0 讚好
0 留言
黑椒汁橙酒燴鴨胸配意粉
4 瀏覽
0 讚好
0 留言
張貼
