發記甜品 (已結業)

今晚同朋友去睇電影，睇完電影就去食糖水，講起糖水就開始流口水喇，因為淋起發記嘅榴蓮糖水，不過呢間平時都比較多人，宵夜時間一樣甘多人排隊，我地等左20分鐘左右啦，因為店面唔大，但服務態度都算可以。黑芝麻糊，一上臺就聞到濃濃嘅芝麻味，呢度嘅芝麻糊都OK嘅，比較香醇濃滑，唔系即食果種，好多粉咁，呢度好正宗。榴蓮飄香，榴蓮控一定唔好錯過，好大舊榴蓮肉，湯汁對我來講濃度剛剛好，可能有D人會覺得唔夠濃，甜度適中，榴蓮肉好香滑，夠曬熟，糖水都帶有濃濃嘅榴蓮味，正啊。榴蓮卷，表皮整得好薄，入邊包住香滑嘅榴蓮肉，一啖咬落，又脆又滑，口感好好啊。香脆芒果卷，比榴蓮卷的皮要厚，但口感都幾好，帶有芝麻香味，入邊芒果肉都幾有分量，好好食。