沙嗲王 (官塘工業中心) (已結業)

去沙嗲王，識食一定係食白咖喱豬扒飯，白咖喱汁真係好好味好特別，第一次食都係係沙嗲王先食到，佢果隻豬扒都特別正，又香又好味又夠多次次都有幾塊豬扒，多到兩個細食既女仔分享一個餐都夠食，有時我同個女仔朋友都係咁分享再點多幾個小食，百零蚊一餐就食到飽一飽，由中學到畢業到出嚟做嘢都勁鐘意食沙嗲王，中學果陣覺得沙嗲王好貴，到出嚟讀書發覺沙嗲王真係好抵食🤣🤣🤣呢排Lunch成日都係食白咖喱豬扒飯，每次四個同事都係一齊食白咖喱豬扒飯，好好笑，平時呢段時間去觀塘分店食都無咩人架，但今次去食........雖然未滿曬人，黎得兩個餐.........另外兩個餐就等左勁耐，搞到紋紋地，因為要趕住番公司打卡嘛......好彩最後都食得切，如果唔係下次都唔多敢係lunch去食😓lunch都係60幾蚊一個餐，加15蚊又可以加兩隻雞翼，幾個同事一齊食夠250又送支超好味既沙嗲王辣醬，又有薄荷糖任拎好好食😋