新興棧食家

營業中

休息中

呢度食碗魚腩粥，50蚊，食碟白灼魚皮，要39蚊，差唔多一碗粥嘅八成，但係黎到一定要叫，一定要叫，一定要叫，重要嘅嘢講三次。呢樣嘢已經差不多冇粥鋪賣，佢整得極好，魚皮一小碟，面頭鋪滿大量薑絲蔥絲，有少量油同豉油，自己再加少少胡椒粉，鮮爽趣，口感豐富，嚟呢度冇叫魚皮不如唔好嚟。10分+。至於碗魚腩粥，大大碗有好幾舊魚腩，面頭好多生菜絲，魚腩新鮮粥底熱辣辣，好食，不過我個人覺得未及生記，唔知係咪同今晚成八點先嚟到啲魚腩差咗啲啲有關，收50蚊，合理唔算貴，我俾8分。