百味堂 (已結業)

今日經過希慎廣場，見到冇人排隊，就買咗一杯蜜瓜軟雪糕。等嘅時間唔算耐，大約10分鐘。佢張相影出嚟都好靚吓，實物都似嘅，靚嘅。但唔知佢同其他軟雪糕有咩分別，佢係溶得特別快，俾你喺街食一杯富豪雪糕溶得更加快。食第一啖落口，完全冇牛奶味，係完全無，佢標榜嘅係牛奶軟雪糕，但就只係食到碎冰嘅味道，唯一有味嘅就係上面嗰幾粒波子咁細嘅蜜瓜，我用$78買咗一杯碎冰加幾粒蜜瓜食？我覺得我去麥當勞食一杯朱古力新地會開心好多，佢完全唔值呢個價錢。其實錢真係唔係問題，係佢浪費左我一個食雪糕嘅quota，無下次。