影片
更多
2011-04-02
10 瀏覽
好難得白色情人節同女朋友^.^ 一齊放假,一定要食餐好0既,聽人講話佐敦有間泰菜館幾企理,一於一早訂枱同女友撐枱腳…由於一早訂0左位,所以一去到就有位坐好之後,經理即刻同我地介紹菜式,服務一流,由於女友唔食得太辣,我叫左幾個菜都係少辣…等0左唔夠8分鐘,就0黎左第一道菜,絕招炒花甲王:極香椰汁味,辣度適中,餸飯一流…當我想起筷0既同時,女友話:「咪住」! 我心諗咩事….哦,原來佢話佢部 I PHONE有個APPS影相幾靚,佢話一定要留個紀念喎…OK…(頂,又真係影得幾靚,唔知0既仲以為我幫人賣廣告TIM),影0左冇幾奈,第二道菜,乾咖喱面包蝦球: 香脆面包,內裏用帶有甜味的咖哩汁浸滿新鮮蝦球,椰汁味0岩0岩好...老闆仲好好服務幫我地切埋個面包…仲有最後一道菜,蟹肉炒魚肚: 有咬口0既魚肚,加上蟹肉,再用冬菇帶出獨特的海鮮味,另外有辣汁伴碟,有多重口味層次...最後叫0左兩支青檸梳打,比想像中甜,易入口...話咁快,就享受0左美味0既一餐,下次,再同其他老友試一試...
由於一早訂0左位,所以一去到就有位
坐好之後,經理即刻同我地介紹菜式,服務一流,由於女友唔食得太辣,我叫左幾個菜都係少辣…
等0左唔夠8分鐘,就0黎左第一道菜,
絕招炒花甲王:
極香椰汁味,辣度適中,餸飯一流…當我想起筷0既同時,女友話:「咪住」! 我心諗咩事….哦,原來佢話佢部 I PHONE有個APPS影相幾靚,佢話一定要留個紀念喎…OK…(頂,又真係影得幾靚,唔知0既仲以為我幫人賣廣告TIM),
影0左冇幾奈,第二道菜,乾咖喱面包蝦球: 香脆面包,內裏用帶有甜味的咖哩汁浸滿新鮮蝦球,椰汁味0岩0岩好...老闆仲好好服務幫我地切埋個面包…
仲有最後一道菜,蟹肉炒魚肚: 有咬口0既魚肚,加上蟹肉,再用冬菇帶出獨特的海鮮味,另外有辣汁伴碟,有多重口味層次...
最後叫0左兩支青檸梳打,比想像中甜,易入口...
話咁快,就享受0左美味0既一餐,下次,再同其他老友試一試...
張貼
