贊和豆品

營業中

休息中

之前幫襯過幾次，諗住再去食豆腐花，同之前一樣，每款$5，但今次舖頭大大隻字寫住雙拼$5。 我就話《要一碗紅豆同花奶雙拼》白色衫既姐姐就比左一碗紅豆、碗花奶，話$10，我問唔係一碗雙拼$5咩，佢好惡話無，我拎住錢想話要其中一碗的時候，佢竟然拎走晒兩碗唔賣比我。我同後面幾個等緊買豆腐花的客人都O左嘴，排我後面果位女士好心幫我同佢講，上面寫住雙拼$5，我係叫一碗雙拼...... 但佢完全無埋會。其實我要一款也可以，唔知發生什麼事...只好袋番d錢，一場黎到想食豆腐花，咪去佢隔離果間買喇。我見排我後面個幾個客見到個姐姐黑口黑面都無買到走左。