影片
更多
2024-12-08
73 瀏覽
銅鑼灣登龍街不嬲出名多嘢食，今次試咗間今年初開嘅川菜館「不二江湖菜」. 環境光猛企理，價格非常合理，一大班人鍾意食辣食鑊氣菜式啱晒. 食辣嘢梗係叫凍飲解渴解辣啦，坐低就點咗鴨屎香檸檬茶同百香果梳打，爽呀. 大大杯幾襟飲. ⭐️夫妻肺片雖然係牛肚、豬心、豬舌，但食落完全唔會有內臟嘅腥味. 以紅油、芝麻、辣椒等調味完全係好經典嘅川菜風味. ⭐️香辣蝦呢個超級推薦. 個鍋勁大視覺效果已經好震撼，超多紅椒仲有好多隻蝦，蝦殼酥脆可口，蝦肉啖啖肉新鮮爽口彈牙. 最欣賞有土豆條吸滿醬汁精華，食到停唔到口. 整體越食越辣越過癮好有層次，完美演繹麻辣鮮香. ⭐️渝味鮮椒牛肉牛肉煮得火候剛好，質感軟腍鮮嫩，肉汁飽滿，鮮椒開胃唔會太辣. 紅椒、青椒、蒜粒炒成，香氣撲鼻. 呢啲餸真係送飯一流，白飯免費仲要任裝，食多多都唔怕，啱晒大胃王.
食辣嘢梗係叫凍飲解渴解辣啦，坐低就點咗鴨屎香檸檬茶同百香果梳打，爽呀. 大大杯幾襟飲.
⭐️夫妻肺片
雖然係牛肚、豬心、豬舌，但食落完全唔會有內臟嘅腥味. 以紅油、芝麻、辣椒等調味完全係好經典嘅川菜風味.
⭐️香辣蝦
呢個超級推薦. 個鍋勁大視覺效果已經好震撼，超多紅椒仲有好多隻蝦，蝦殼酥脆可口，蝦肉啖啖肉新鮮爽口彈牙. 最欣賞有土豆條吸滿醬汁精華，食到停唔到口. 整體越食越辣越過癮好有層次，完美演繹麻辣鮮香.
⭐️渝味鮮椒牛肉
牛肉煮得火候剛好，質感軟腍鮮嫩，肉汁飽滿，鮮椒開胃唔會太辣. 紅椒、青椒、蒜粒炒成，香氣撲鼻.
呢啲餸真係送飯一流，白飯免費仲要任裝，食多多都唔怕，啱晒大胃王.
張貼
