影片
更多
2021-05-01
57 瀏覽
朋友話食左間邊爐好正要帶我去。位置小隔涉，早排係樓下間西餐食過飯，都無留意到隔離大廈有火鍋店。一入去餐廳，格局好唔似餐廳，似私竇😂。餐廳係散叫火鍋，價錢中上。湯底叫左胡椒豬肚湯，仲有啲佢地自己煲嘅湯底，但叫完先知原來可以雙拼！蝕左🥲🥢胡椒豬肚湯底（$138）個鍋一上台，我就哇左出聲，勁大個煲😂😂😂你地去到自己feel，個湯底有唔少底料，蕃茄、唐芹、酸菜、豬肚、粉腸，食到尾仲有，又唔係Hea你是但比，食落新鮮，粉腸都乾淨。湯底帶胡椒既辣，唔會淡茂茂。🥢手切雪牛小排（大）（$338）又係勁大碟😂開始感受到佢地份量之多。雪花睇落靚，食落仲正，每塊有返咁上下厚，食落好有滿足感，啲油花越嚼越出，好正！本身想叫本地手切牛，店員話今日啲牛唔靚所以無返貨，下次要食本地手切牛！呢個牛都必點！但兩個人可能叫細好啲，可以試其他肉，油花會令食到後尾超飽。自家製韮菜餃（$68）有6隻脹卜卜嘅餃。首先佢地包得好靚，自己都有包開餃子，好明白9菜超易出水，會令餃子皮濕同爛，但呢到既餃子放耐左都好乾身，唔會出水，唔會d皮痴埋曬。上菜時店員有講係岩岩包。食落好飽滿，皮薄煙un，9菜新鮮爽脆，好好食！超值呢個價。🥢白鱔片（
餐廳係散叫火鍋，價錢中上。湯底叫左胡椒豬肚湯，仲有啲佢地自己煲嘅湯底，但叫完先知原來可以雙拼！蝕左🥲
🥢胡椒豬肚湯底（$138）個鍋一上台，我就哇左出聲，勁大個煲😂😂😂你地去到自己feel，個湯底有唔少底料，蕃茄、唐芹、酸菜、豬肚、粉腸，食到尾仲有，又唔係Hea你是但比，食落新鮮，粉腸都乾淨。湯底帶胡椒既辣，唔會淡茂茂。
🥢手切雪牛小排（大）（$338）
又係勁大碟😂開始感受到佢地份量之多。雪花睇落靚，食落仲正，每塊有返咁上下厚，食落好有滿足感，啲油花越嚼越出，
好正！本身想叫本地手切牛，店員話今日啲牛唔靚所以無返貨，下次要食本地手切牛！呢個牛都必點！但兩個人可能叫細好啲，可以試其他肉，油花會令食到後尾超飽。
自家製韮菜餃（$68）
有6隻脹卜卜嘅餃。首先佢地包得好靚，自己都有包開餃子，好明白9菜超易出水，會令餃子皮濕同爛，但呢到既餃子放耐左都好乾身，唔會出水，唔會d皮痴埋曬。上菜時店員有講係岩岩包。食落好飽滿，皮薄煙un，9菜新鮮爽脆，好好食！超值呢個價。
🥢白鱔片（$108）
數過有7大片鱔，街市都賣緊百幾斤，呢到100出頭有咁多片😧同任食個種薄薄鱔超唔同！厚肉爽彈有鱔味，好鬼正！呢個真係要食！🥺🥺🥺
🥢唐生菜（$38）
Errrr就係唐生菜😂
🥢醬料
店員會拎有一大兜配料任你加。最特別係左上個辣醬，店員話自己炒，食落唔太辣，帶豆豉味。
連埋2支野飲埋單800左右。料足、新鮮、有心機！好明點解朋友要帶我食，下次都想帶屋企人去食。唯一唔好係上菜有啲慢，每碟都隔左啲時間，可能廚房唔夠人？又樣樣都即整，鱔都話係岩岩劏😂😂😂好食我就願意等
Btw當日有人包場，見住店員捧住一碟碟海鮮行過，又避風塘炒蟹、金銀蒜蒸聖子，r水吹時問左店員，話有做包場，只要預先講想食咩就整到。又有講d廚師黎自以前燈籠街一間好出名而家執左既餐廳（無細聽😂😂😂）
總結好食！以為唔夠食要加點，點知食到勁飽！推薦🤤
張貼
