汐

營業中

休息中

百樂向來都多美食，今次去咗間食得較健康嘅小店！就算我呢排食減脂餐都揀到嘢食😆環境小店都整咗2張塌塌米，再加吧台，溫馨小店風格。餐牌是日星期日中午前往，選擇唔算多，但食得健康都有唔少嘢講，魚生類同沙律都有。 “汐”招牌富士山卡邦尼意粉 $148 朋友鍾意食卡邦尼意粉，富士山相信係蟹柳絲堆積而成，令平時比較容易覺得好膩嘅卡邦尼意粉又帶返清新啲嘅口感，加上蟹籽紫菜等配料，整碟份量都唔少。另外可以+$38變套餐，包檸檬茶/美式咖啡/汽水+精選甜品，是日精選甜品有伯爵茶蛋糕！ 明太子八爪魚配北海道刺身帶子 $138 鍾意食魚生之人，呢個丼飯啱晒，又低卡，除咗明太子、八爪魚、北海道刺身帶子之外，同樣有蟹柳絲，仲有青瓜粒、粟米粒，底層舖滿飯，絕對夠飽肚，加上沙律醬唔會怕味寡。 和歌山橘子咖啡 $42 本身想叫豆腐咖啡，但無得轉脫脂奶所以店員推薦呢杯和歌山橘子咖啡 ，之前都飲過橙啡，酸酸甘甘係十分舒服。