家賀屋刺身寿司專門店

福岡回來後一直覺得吃得吾夠盡興，所以放工後再去我常去的「家賀屋」再刷過。我身為熟客，梗係知道遊戲規則，一定要訂位，walk in 機會微乎其微，大家執生。訂咗位我哋可以直入，QR 自己落單，預算多少錢一眼睇曬，方便。先送來辛子木魚花秋葵是店方送的小食，加左小許七味粉令秋葵略帶微辣。原味乳酪梳打酒Snowball cocktail 兩杯都係輕量級酒精飲品，吃住超香脆「炸魚皮」送酒，一絕。秋葵卷、蔥油甘魚卷紫菜仍脆，首試秋葵卷，口感好特別，飯和秋葵是黏黏地，所以特別飽肚。蔥油甘魚卷有油甘魚的油潤和蔥的香氣共存，不錯。鹽燒鰝鰺魚頭鮫鹽燒魚頭夠香口，魚肉夠油潤，吾錯。清酒牛油煮蜆牛油味突出，蜆肉也肥美。刺身拼盤山葵柚子漬水母刺身爽口，味道清新，可惜不太鮮味。三文魚腩刺身劍魚腩刺身中拖羅刺身三款魚生也是厚切，口感特別好，加上魚鮮相信突出，尤其油脂不少的中拖羅刺身，我個人超喜歡。特大赤蝦刺身別以為牠是牡丹蝦，其實牠是超大隻赤蝦，又爽又鮮冇得頂👍🏻👍🏻👍🏻法國聖馬天尼生𧐢海水味濃、較為爽口鮮甜度新鮮度滿分。食完生冷嘢最好食一個熱辣辣嘅關東煮加亂切蕎麥麵熱湯個胃即時暖返曬，又飽又滿足。