濱松町日本料理

營業中

休息中

第二次食呢間位於佐孰的日本餐廳 濱松町日本料理，外面睇係一間簡約平民的居酒屋，但裡面既食物質素絕對係比好多主打高級日本料理既餐廳都仲要高質。一坐低就先點左一份特上壽司盛（十貫），裡面我認為最值得一讚既係海膽壽司，不旦一點腥味都沒有，仲有好濃好鮮既海膽味，好食到想另外單點多兩三件，另外就係拖羅壽司，品質非常好既高級食材！除此之外，燒蠔都係必點之選，本身我唔太喜歡食蠔，特別係生蠔，但呢個燒蠔我卻係食過翻尋味呀！因為真係一點都唔會覺得腥，而且勁肥勁大隻，大隻到我要分兩啖食！另外服務員態度非常好，會主動推介當日特選海產，仲會係我地用餐完畢後主動上前問下我地既滿意程度。仲送左兩個甜品比我地，個甜品亦都係非常特別，從來沒係其他地方見過或者食過，至於係咩黎，我就唔係度講啦，留返少少神秘感，建議你地都去試下呢間餐廳！