十里洋場

營業中

休息中

今日是星期六，食客唔係太多，餐廳沒有很嘈吵，感覺舒適。百味珍饈海鮮宴$998,會員二人同行，－人免費。准揚三寶雞絲粉皮、花螺、海蝦。雞絲粉皮實在太鹹；花螺相當入味，口感清爽，仲有酒香；海蝦大大隻有少少滷水嘅味道，蝦肉爽彈，感覺新鮮。海參蟹肉迷你冬瓜盅冬瓜盅10分迷你，有少少海鮮，由於份量相當迷你，所以湯水唔多，感覺唔到海參同埋蟹肉，但味道鮮味。滬式醬油年糕龍躉球呢道菜非常唔錯，完全係濃油赤醬，年糕入味，煙靭彈牙，越吃越有味，加上爽口嘅龍躉球，再配上蔥段，味道唔錯，惹味可口。椒香脆皮乳鴿呢隻乳鴿係BB 鴿，幾迷你，乳鴿嘅皮又薄又脆，但乳鴿嘅肉唔多，但配上椒麻香，味道幾特別，而且味道更香。無錫橙香牛肋肉這牛肋肉啖啖肉，完全係無錫骨嘅無骨版，味道是甜醬油香味，口感軟滑，送飯一流。鮑魚雞粒燴飯呢個鮑汁燴飯有一隻迷你鮑魚，口感軟滑，而且燴飯口感濕潤，加上味道香濃嘅鮑魚汁，幾好食。珍酒紅豆桂花糕呢個紅豆桂花糕，我就食唔到紅豆同桂花味，但有啲似甜甜地嘅糯米糕，味道都唔錯嘅。