百味 (已結業)

今晚收工去試新餐廳，地點係銅鑼灣禮頓道既百味。百味係有粵菜同川菜。餐牌有前菜，小食，廚師推介，煲仔，精選佳餚，飯類，拌麵，飲品等，居然有沙律食，晚市先有加一同茶水每位$5。第一次黎，叫左幾個菜式試試。酸菜鱸魚鍋 細 $160 另加一酸菜鱸魚鍋有例同細，細係預1至2位用。鱸魚片連皮，超嫩滑，分量唔少。個鍋仲有好多芽菜，酸菜，雲耳，寬粉，加左少少辣椒粒同香莤。個湯味道酸辣適中，啱港人口味。三杯雞煲 細 $140 另加一三杯雞煲有例同細，細係預1至2位用。雞煲新鮮滾熱辣上枱，連皮雞肉好多舊，質感嫩滑，味道好入味，冬天食正。其他配料有蔥，蒜，薑，香莤。呢個煲送飯一流。慢煮牛肋條 $50 另加一慢煮牛肋條熱辣辣上枱，牛肋條一客四大條，整得又稔又嫩，味道好入味。白蘿蔔5大件，又稔又甜。上面灑上少少蔥花，個汁係好味嘅柱侯牛腩味。呢個餸$50都幾抵。鹹魚醬炒芥蘭 例$85 另加一鹹魚醬好冶味，夾埋翠綠芥蘭一齊好好食，又唔會過鹹。估唔到今餐所有餸都好味道，我哋食個碗底朝天。地方都尚算乾淨企理。一個地方有齊川菜同粤菜食都幾好。